សាកលវិទ្យាល័យមហាសារខាម (Mahasarakham University)

Mahasarakham University

ទីតាំងសាកលវិទ្យាល័យមហាសារខាម

41/20 ឃុំខាមរៀង ស្រុកក័នថៈរៈវិឆ័យ ខេត្តមហាសារខាម 44150

ទីតាំងនៅទីរួមខេត្ត

269/2 ផ្លូវណាក់ខនសុវណ្ណ ឃុំតាក់ឡាត ស្រុកមឿង ខេត្តមហាសារខាម 44000

ទូរស័ព្ទលេខៈ  0-4375-4333

ទូរស័ព្ទតុៈ 0-4375-4235

គេហទំព័រៈ www.msu.ac.th អ៊ីម៉ែលៈ info@msu.ac.th

អក្សរកាត់ៈ សមស. MSU  มมส.

សាកលវិទ្យាល័យមហាសារខាម (Mahasarakham University) មានទីតាំង ២ កន្លែង គឺ នៅស្រុកមឿង ខេត្តមហាសារខាម (សាកលចាស់) មានផ្ទៃដី​ ១៩៧ រ៉ៃ និងនៅស្រុកក័នថៈរៈវិឆ័យ ខេត្តមហាសារខាម (សាកល.ថ្មី) មានផ្ទៃដី ២.០៨ Km²   ។ ពីមុនសាកលវិទ្យាល័យ មហាសារខាម គឺជាវិទ្យាល័យអប់រំ ឆ្នាំ ១៩៦៨ បន្ទាប់មកបានក្លាយជាសាកលវិទ្យាល័យ ស៊ីណាក់គ្រិនវិរ៉ូតមហាសារខាម ឆ្នាំ ១៩៧៤ រហូតបានក្លាយជា​ សាកលវិទ្យាល័យមហាសារខាម នៅថ្ងៃទី ៩ ខែធ្នូ ឆ្នាំ ១៩៩៤ ហើយបានចុះឈ្មោះក្លាយជាសាកលវិទ្យាល័យរដ្ឋ លំដាប់ទី ២២ នៃប្រទេសថៃ។

ចំណាត់ថ្នាក់សាកលវិទ្យាល័យ

ការចាត់លំដាប់ដោយគេហទំព័រ Webometrics ដែលបានរៀបចំឡើងដើម្បីលើកទឹកចិត្តការអភិឌ្ឍន៍របស់សា្ថប័នផ្សេងៗ រួចធ្វើការផ្សាព្វផ្សាយក្នុងគេហទំព័រ និងជាការចាប់ផ្តើមគាំទ្រក្នុងការផ្សព្វផ្សាយយ៉ាងទូលំទូលាយទូទាំងពិភពលោក ដោយ ចង់បង្ហាញពីបរិមាណ និងគុណភាពរបស់សា្ថប័ន ហើយមានឧបករណ៍វាស់ស្ទង់ផ្សេងៗ ក្នុងការវាយតម្លៃលទ្ធផល ការសា្រវ ជ្រាវរបស់សា្ថប័ន។ គេហទំព័រ Webometrics បានចាត់លំដាប់ ២ ដងក្នុង ១ ឆ្នាំ ក្នុងខែមករា និងកក្កដា ក្នុងពេលថ្មីៗ នេះ ខែកក្កដា ឆ្នាំ ២០១១ សាកលវិទ្យាល័យមហាសារខាមស្ថិតនៅក្នុងលំដាប់លេខ ១,១០១ ទូទាំងពិភពលោក លំដាប់លេខ ២៦ ក្នុងអាស៊ីអាគ្នេយ៍ លំដាប់លេខ ១៣ នៃសាកលវិទ្យាល័យក្នុងប្រទេសថៃ។

និមិត្តសញ្ញាសាកលវិទ្យាល័យមហាសារខាម

និមិត្តសញ្ញា MSU

ព្រះធាតុណាឌូនៈ គុណធម៌ អំពើល្អ

ខ្សែសីម៉ាព័ទ្ធជុំវិញៈ គតិបណ្ឌិត

ពន្លឺរង្សីៈ ភាពរីកចម្រើន

ក្បាច់ៈ គតិបណ្ឌិត និងមរតកវប្បធម៌ឦសាន

សរុបៈ ការរីកចម្រើនរុងរឿងដែលមានឥទ្ធិពលមកពីចំណេះដឹង និងវប្បធម៌ គួបផ្សំជាមួយនឹងគំនិតច្នៃប្រឌិតរបស់ភូមិភាគឦសាន។

 ពាក្យស្លោកសាកលវិទ្យាល័យ

"พหูนํ ปณฺฑิโต ชีเว" មានន័យថា អ្នកមានប្រាជ្ញាជាទីពឹងរបស់មហាជន។

ពណ៌ប្រចាំសាកលវិទ្យាល័យមហាសារខាម

ពណ៌ប្រចាំ សមស.

ពណ៌លឿងៈ មានន័យថា ការរីកចម្រើនរុងរឿង ភាពស្រស់ស្អាត ភាពសំបូរហូរហៀរ

ពណ៌ប្រផេះ មានន័យថា គំនិត ឬប្រាជា្ញ

ពណ៌លឿងប្រផេះ មានន័យថា ការមានប្រាជ្ញា និងគំនិតវិជ្ជមាន គឺនាំឆ្ពោះទៅកាន់ការរីកចម្រើនរុងរឿង។

  

ដើមឈើ ឬផ្កាប្រចាំសាកលវិទ្យាល័យមហាសារខាម

ផ្កាលឿងរាជ ឬរាជព្រឹក្ស

ផែនទីសាកលវិទ្យាល័យមហាសារខាម 

ផែនទី សមស.

វីដេអូណែនាំពីសាកលវិទ្យាល័យ

    

ការចែករំលែកចំណេះដឹងរបស់និសិ្សតខ្មែរនៅសាកល.មហាសារខាម

នៅសាកលវិទ្យាល័យមហាសារ៉ាខាម និស្សិតខ្មែរដែលកំពុងសិក្សានៅទីនេះបាននាំគ្នាចាត់ កម្មវិធីមួយឡើង ដែលមានឈ្មោះថា កម្មវិធី “ការចែករំលែកចំណេះដឹង និងបទពិសោធន៍ ដល់គ្នារវាងនិសិ្សតខ្មែរនៅសាកលវីទ្យាល័យមហាសារ៉ាខាម, លើកទី១ នៅថ្ងៃទី ១៧ ខែមិថុនា ឆ្នាំ២០១២”នេះក៏ជាសកម្មភាពមួយដែលបានបង្ហាញអោយឃើញពីសាមគ្គីភាព របស់និសិ្សតខ្មែរ ដែលកំពុងសិក្សានៅសាកលវីទ្យាល័យមហាសារ៉ាខាម ក្នុងការចែករំលែកចំណេះដឹងថ្មី ដែលខ្លួន បានសិក្សាកន្លងមកយ៉ាងច្រើនអនេកទៅដល់មិត្តភក្តិនិងនិសិ្សតរៀមច្បងដែលចូលរួមជាមួយក្នុង កម្មវិធីនេះ។ ក្នុងនោះផងដែរដោយមាននិសិ្សតដែលធ្វើការស្ម័គ្រចិត្តចូលរួមធ្វើជាវាគ្មិនក្នុងការចែក រំលែកចំណេះដឹងនេះ។ ដូចជា៖

១.Mr.Nov Sinat  និង Mr.Vong Pisey , ដែលអធិប្បាយលើប្រធានបទ “ផលប៉ះពាល់នៃកង្វះជីវជាតិអ៊ីយ៉ូត”

២.Mr. Leang Lina , អធិប្បាយលើប្រធានបទ  “New Media”

៣.Miss Chhorn Seyla  និង Miss Chit Naychhan , អធិប្បាយលើប្រធានបទ “The Order of Investment”

៤.Mr. Lon Lavy  និង  Mr.Oung  Sela , អធិប្បាយលើប្រធានបទ

“การตรวจสอบร้อยร้าว สารเหตุของโครงสร้างคอนกรีตเสริมเหล็ก”

៥.Mr.Seng Touch,  អធិប្បាយលើប្រធានបទ “Green University”(ពេលវេលាខ្លីសម្រាប់បង សេង ទូច)

ការឡើងថ្លែងបើកកម្មវិធីរបស់លោកប្រធាន ជុំ សុផល (រូបខាងស្តាំ) ដោយមានលោកអនុប្រធាន ពេលនោះគឺលោកអ៊ិត វ៉ាន់ដា (រូបខាងឆ្វេង) ធ្វើជាពិធីករក្នុងកម្មវិធី។

លោក នូវ ស៊ីណាត និងលោក វង់ ពិសី កំពុងធ្វើបទបង្ហាញ

លោកលៀង លីណា កំពុងធ្វើបទបង្ហាញពី  New Media ដែលនេះគឺទាក់ទងនឹងអ្វីដែលលោកបាន សិក្សានឹងកំពុងបន្តសិក្សាផងដែរ។ដែលលោកសង្ឃឹមថា ថ្ងៃក្រោយលោកនឹងមានគម្រោង មួយដែលទាក់ទងនឹងការផលិតរឿងភាពយន្តកតុក្តា យកមកបង្ហាញដល់និសិ្សតទាំងអស់គ្នា បានយល់កាន់តែច្បាស់ថែមទៀត។

កញ្ញឈិត នៃឈន ក៏បានផងដែរអធិប្បាយទាក់ទងនឹងការត្រៀមខ្លួនក្នុងការលេងផ្សារភាគហ៌ុន Stock Exchange នៅទីផ្សារភាគហ៌ុន ព្រោះប្រទេសថៃមានទីផ្សារភាគហ៌ុនតាំងពីយូរណាស់ មកហើយ តែប្រទេសកម្ពុជាយើងទើបតែបើកអោយដំណើរការនោះ។

          កញ្ញាឈន សិលា បានអធិប្បាយយ៉ាងក្បោះក្បាយអំពីការដាក់វិនិយោគទុន។

លោកអ៊ុង សិលា បានពីការសាងសង់ផ្លូវ និងបានបញ្ជាក់ផងដែរពីផ្លូវដែលប្រើប្រាស់នៅប្រទេស ជឿនលឿន ហើយអ្វីដែលបានបង្ហាញអោយយើងទាំងអស់គ្នាចាប់អារម្មណ៍នោះគឺ ការសាងសង់ ផ្លូវដែលមានគុណភាព។

លោ លន ឡាវី បានបង្ហាញពីរឿងមួយដែលគួរអោយភ័យខ្លាចនេះគឺ បំណាក់ស្រុតនៃអគ្គារដែល គាត់បានបញ្ជាក់ថា រាល់អគ្គារនិមួៗគឺមានការស្រុតចុះជារៀងរាល់ឆ្នាំ ទៅតាមកំរិតនៃការស្រុត របស់វា។ លោបានបន្ថែទៀតថា៖ ដូចវនេះយើងត្រូវមានការប្រុងប្រយ័ត្ននឹងយល់ពីស្នាមប្រេះ របស់ជញ្ជាំងអគ្គារ ថាតើពេលចង់បានផ្ទះដែលមុំាត្រូវធ្វើដូចម្តេច។ នេះជាសំណួររបស់គាត់ក្រោយ មកគាត់បានអធិប្បាយយ៉ាងក្បោះក្បាយ ។

រូបភាពថតរួមគ្នាជាអនុស្សាវរីយ៍ក្រោយពីប្រកាសបញ្ចប់កម្មវិធីដោយលោក ជុំ សុផល

និសិ្សតខ្មែរសិក្សានៅសាកលវិទ្យាល័យមហាសារ៉ាខាមចូលរួមប្រជុំនៅខេត្តសុរិន ប្រទេសថៃ

              និសិ្សតខ្មែរដែលសិក្សានៅសាកលវិទ្យាល័យមហាសារ៉ាខាម ក្នុងប្រទេសថៃ ដែលមានទាំងថ្នាក់បរិញ្ញាប័ត្រ អនុបណ្ឌិត និងបណ្ឌិត ក្នុងនោះមាននិស្សិតចំនួន ១១ នាក់ មាន
ឈ្មោះដូចខាងក្រោម
 ១.Mr.Hem Samphos
 ២.Mr. Ka Tola
 ៣.Mr.Sann Savuth
 ៤. Mr.Bun Thearith
 ៥.Mr.Sov Sophea
 ៦.Mr.Seng Touch
 ៧.Mr.Phao Channy
 ៨.Mr.Chum Sophal
 ៩.Mr.Lon Lavy
 ១០.Mr.Sat Senghorn
 ១១. Mr. Ly Panhavuth
       បានចូលរួមប្រជុំនៅខេត្តសុរិន ប្រទេសថៃក្រោមប្រធានបទ ឈ្មោះជាភាសាថៃ "เรื่อง สร้างสรรค์ เข้าใจ แก้ไข ปัญหาไทย-กัมพูชา เพื่อพัฒนาไปสู่ประชาคมอาเซียน" ដែលបានរៀបចំឡើងដោយសម្ថកិច្ចជាយដែនថៃ-ខ្មែរ ការប្រជុំនេះបានប្រព្រឹត្តទៅអស់រយៈពេលបីថ្ងៃគឺចាប់ពីថ្ងៃទី១៣ ខែមិថុនា ឆ្នាំ២០១២ រហូតដល់ ថ្ងៃទី១៥ ខែមិថុនា ឆ្នាំ២០១២។ ក្នុងការប្រជុំនោះមាននិស្សិតខ្មែរ ដែលមកពីស្ថាប័នផ្សេងៗ តាមខេត្តមួយចំនួនក្នុងប្រទេសថៃដូចជា ខេត្តសុរិន ខេត្តសុីសាកេត និង ខេត្តមហាសារ៉ាខាម ដែលសរុបទាំងអស់មានចំនួន ៦ ស្ថាប័ន។

          គណៈកម្មាការរៀបចំការប្រជុំបានចាត់ឡើងនូវកម្មវិធីជាច្រើនដើម្បីអោយនិសិ្សតខ្មែរ -ថៃ បានចូលរូមសកម្មភាពជាមួយគ្នា ដូចជា៖ ល្បែងកម្សាន្ត , រំាច្រៀង ទស្សនៈកិច្ចកម្សាន្តបា្រសាទបុរាណគឺបា្រសាទភ្នំរូង ខេត្តបុរីរាំ ប្រទេសថៃសព្វថ្ងៃ ,ការបញ្ចេញមតិរបស់និសិ្សតមា្នក់ៗ លើវេទិការ, ការស្តាប់ការអធិប្បាយរបស់សាស្រ្តាចារ្យជំនាញខាងប្រវត្តិសាស្រ្តខ្មែរ-ថៃ (ជនជាតិថៃ) ។  នេះជាឱកាសមួយដ៏ល្អរបស់និសិ្សតខ្មែរ-ថៃ ធ្វើការសិក្សាអោយកាន់តែច្បាស់ពីប្រវត្តិសាស្រ្តពិត នឹងបញ្ហាដែលបានកើតឡើងតាមបណ្តោយព្រំដែនខ្មែរ-ថៃ តាំងពីយូរយាមកហើយនោះ។ ពោលគឺប្រជាជនទាំងពីរប្រទេសដែលរស់នៅតាមបណ្តោយព្រំដែនគឺតែងតែជួបបញ្ហាជាច្រើនដែលបង្កឡើងដោយ

 ភាពមិនត្រូវគ្នាក្នុងរូបភាពប្រវត្តិសាស្រ្ត និងនយោបាយរវាងប្រទេសទាំងពីរ ដែលទាំងអស់នេះត្រូវបានសាស្រ្តាចារ្យាថៃ ជាមួយនិងមន្រី្តប្រចាំខេត្តសុរិន និង ធ្វើការបកស្រាយយ៉ាងក្បោះក្បាយ  ដល់និសិ្សតខ្មែរ-ថៃយល់ពីស្ថានការណ៍ជាក់ស្តែងតាមបណ្តោយព្រំដែន។
     ទន្ទឺមនឹងនោះដែរ វាគ្មិនម្នាក់ៗបានទាញយកអាស៊ានជាគោល និងខិតខំបង្ហាញពីគុណសម្បតិ្តរបស់អាស៊ាន ដែលនិងផុសមានមុខមាត់ប្រាកដនៅឆ្នាំ ២០១៥ ខាងមុននេះ ។ ដោយបានលើកយក AEC ២០១៥ មកធ្វើជាចំណុចផ្សះផ្សារនិងបន្ធួបន្ថយភាពតានតឹងតាមបណ្តោយព្រំដែនផងដែរ ដោយនាំគ្នាខិតខំពង្រឹងសកម្មភាពសេដ្ឋកិច្ចរបស់ប្រជាជនតាមបណ្តោយព្រំដែនអោយមានភាពរឹងមាំឡើង។

MSU ទទួលសា្វគមន៍គណៈប្រតិភូក្រសួងសុខាភិបាលកម្ពុជា

កាលពីថ្ងៃទី ៧ មិថុនា ២០១២ ម៉ោង ១៤.០០ នាទី សាស្រ្តាចារ្យ ស៊ុភ័ក្រឆ័យ ស្មាប់ពិតូ សាកលវិទ្យាធិការ សាកលវិទ្យាល័យ មហាសារខាម ព្រមទាំងថ្នាក់ដឹកនាំ សាស្រ្តាចារ្យ បុគ្គលិក និងនិស្សិត សាកលវិទ្យាល័យមហាសារខាម បាន ទទួលសា្វគមន៍បណ្ឌិត ម៉ម ប៊ុនហេង រដ្ឋមន្ត្រីក្រសួងសុខាភិបាលកម្ពុជា ព្រមទាំងបុគ្គលិក ៥ នាក់ និងឧត្តមសេនីយ៍ អរៈឈុន ភិប៊ូលនៈគ្រិន្ទរ៍ ប្រធានគណៈកម្មការរៀបចំគ្រោងការនេះឡើង ដោយមានគោលបំណងទស្សនកិច្ចសិក្សានៅប្រទេសថៃ ដើម្បីចូលរួមប្រជុំពិភាក្សា រឿងការបញ្ចូនបុគ្គលិកផ្នែកសុខាភិបាលមកសិក្សាត ឬហ្វឹកអប់រំ នៅសាកលវិទ្យាល័យមហាសារខាម។ ការប្រជុំលើកនេះរៀបចំឡើង នៅ បន្ទប់ប្រជុំបណ្ឌិត ឌៈរុណ្ណី រុចៈកនកានត៍ ជាន់ទី ៣ មហាវិទ្យាល័យគិលានុបដ្ឋា សាកលវិទ្យាល័យមហាសារខាម។

 សាស្រ្តាចារ្យ ស៊ុភ័ក្រឆ័យ ស្មាប់ពិតូ សាកលវិទ្យាធិការ សាកលវិទ្យាល័យមហាសារខាម ថ្លែងសុន្ទរកថាទទួលសា្វគមន៍ និងបង្ហាញ ពីប្រវត្តិសាកលវិទ្យាល័យមហាសារខាមកាលពីអតីតកាលរហូតដល់បច្ចុប្បន្ន ថែមទាំងបាននិយាយពីសាកលវិទ្យាល័យបានចូលរួម ផ្តល់អាហារូបករណ៍ដល់និស្សិតកម្ពុជាក្រោមឈ្មោះថា អាហារូបករណ៍ម្ចាស់ក្សត្រីសិរិនថន តាំងពី ឆ្នាំ ២០០៨ រហូតពេលនេះមាន ទាំងអស់ ៥ ជំនាន់រឮ សរុបរួម ៧២ នាក់។ បច្ចុប្បន្ននិស្សិតដែលសម្រេចការសិក្សា សរុប ៦ នាក់។

បន្ទាប់មកសាស្រ្តាចារ្យ ណាត់ថៈនុន ត្រឈូ សាកលវិទ្យាធិការរងផ្នែកគម្រោង និងទំនាក់ទំនងអន្តរជាតិ បានបង្ហាញ ការរៀបចំគ្រោង ការរៀនភាសាថៃមូលដ្ឋានគ្រឹះត្រួសៗដល់គណៈប្រតិភូក្រសួងសុខាភិបាលកម្ពុជាបានទទួលជា្រប។ ព្រឹទ្ធបុរសមហាវិទ្យាល័យ សុខាភិបាល គិលនុបដ្ឋា សុខភាពសាធារណៈបានចូលរួមប្រជុំដើម្បីបង្ហាញពត៌មានរបស់ មហាវិទ្យាល័យនីមួយៗ ដូចជា ប្រវត្តិកម្មវិធី សិក្សា សកម្មភាព អាគារ និងទីកន្លែងសំខាន់ផ្សេងៗ។

ក្នុងឱកាសនេះដែរបណ្ឌិត ម៉ម ប៊ុនហេង រដ្ឋមន្រ្តីក្រសួងសុខាភិបាលកម្ពុជា បានថ្លែងអំណរគុណ ថ្នាក់ដឹកនាំ សាកលវិទ្យាល័យ មហាសារខាម ដែលបានទទួលសា្វគមន៍ និងបានចូលរួមប្រជុំផ្លាស់ប្តូបទពិសោធន៍ ព្រមទាំងបានទស្សនកិច្ច បន្ទប់ប្រត្តិបត្តិការណ៍ មហាវិទ្យាល័យសុខាភិបាល គិលានុបដ្ឋា និងបរិវេណជុំវិញសាកលវិទ្យាល័យមហាសារខាម។ បន្ទាប់មកម៉ោង ១៧.០០ នាទី សាកលវិទ្យាល័យមហាសារខាមបានរៀបចំពិធីជប់លៀងទទួលសា្វគមន៍ នៅអាគារ MSU staff club ។

 មើលរូបភាពបន្ថែម

การต้อนรับรัฐมนตรีว่าการกระทรวงสาธารณสุขประจำราชอาณาจักกัมพูชา

កាលពីថៃ្ងទី២៩/០៥/២០១២ តាមរយៈការិយាល៌យទំនាក់ទំនងការបរទេសនៅសកលវិទ្យាល័យម៉ាហាសារ៉ាខាម បានអោយដឹងថានៅថ្ងៃទី៧/០៦/២០១២ ខាងមុខនេះនឹងមានការរៀបចំកម្មវិធីទទួលមន្រ្តីដែលអញ្ជើញមកពីក្រសួងសុខាភិបាល ប្រចាំនៅកម្ពុជានិងមកធ្វើទស្សនៈកិច្ចនៅសកលវិទ្យាល័យម៉ាហាសារ៉ាខាម ដោយមន្រ្តីដែលមកពីកម្ពុជានិងធ្វើដំណើរចេញពីប្រលានយន្តហោះសុវណ្ណភូមិ ក្រុងបាងកក់ នៅម៉ោង១១:៣៥ នាទី ដល់ប្រលានយន្តហោះខន់កែនម៉ោង១២:៣០នាទី ថ្ងៃត្រង់ រួចបន្តដំណើរមកសកលវិទ្យាល័យម៉ាហាសារ៉ាខាមតែម្តង។ តាមរយៈសំណើរបស់ទំនាក់ទំនងការបរទេសរបស់សកលវិទ្យាល័យម៉ាហាសារ៉ាខាម បានសុំស្នើរអោយនិសិ្សតខ្មែរដែលកំពុងសិក្សានៅទីនេះអោយចូលរួមទទួល រដ្ឋមន្រ្តីក្រសួងសុខាភិបាលផង។ជាពិសេសស្នើរនិសិ្សត(ខ្មែរ)ដែលកំពុងសិក្សានៅមហាវិទ្យាល័យចំនួនបី ៖ ๑,คณะแพทยสาตร์ ๒,คณะพยาบาลศาสตร์ ๓,คณะสาธารณสุขศาสตร์ ๔,คณะเภสัชศาตร์ ចំពោះនិស្សិតទាំងបីមហាវិទ្យាល័យខាងលើ គឺមានសំណូមពរពីការិយាល៌យទំនាក់ទំនងការបរទេស នៅសកលវិទ្យាល័យម៉ាហាសារ៉ាខាម អោយចូលរួមទាំងអស់គ្នាគប្បីខាន។ ឯនិស្សិតនៅមហាវិទ្យាល័យផេ្សងទៀតគឺស្នើរសុំពីរនាក់ក្នុងមួយមហាវិទ្យាល័យ។ អាស្រ័យហេតុនេះ សូមនិស្សិតទាំងអស់មកទំនាក់ទំនងចុះឈ្មោះជាមួយខ្ញុំបាទ ជុំ សុផល ទូរស័ព្ទ ០៨២-៣១០៧៧៥៨ រឺ e-mail: Sophal_msu.edu@hotmail.com . និសិ្សតទាំងអស់ត្រូវសរសេរជាភាសាអង់គ្លេសនូវ ឈ្មោះ មហាវិទ្យាល័យ ជំនាញនិងជំនាន់ផង។ ផុតកំណត់ថ្ងៃទី ០១/០៦/២០១២ ។ បញ្ចាក់ ៖ -ឯកសារដើមមានចំលងជួននូវរបៀបវារៈ -តាមរយៈប្រធានតាមជំនាន់នីមួយๆ អាចសួរព័ត៌មានបន្ថែមបាន -កម្មវិធីអាចមានការប្រែលប្រួលតាមភាពជាក់ស្តែង សរសេរដោយ ជុំ សុផល ម៉ោង១២:៣៥ នាទី អាធ្រាត ២៩/០៥/២០១២

ពិធីប្រគល់វិញ្ញាបណ្ណប័ត្រ

កាលពីថ្ងៃទី ១៩ ឧសភា ២០១២ សាកលវិទ្យាល័យមហាសារខាមបានរៀបចំពិធីប្រគល់វិញ្ញាបណ្ណប័ត្រ ដល់និស្សិតកម្ពុជា អាហារូបករណ៍ម្ចាស់ក្សត្រីសិរិនថន ឆ្នាំសិក្សា ២០១២ ដែលបានមករៀនភាសាថៃមូលដ្ឋានគ្រឹះ នៅសាកលវិទ្យាល័យមហាសារខាម រយៈពេល ៣​ ខែ។ ដោយមានការចូលរួមពី សាស្រ្តាចារ្យ ណាត់ ថៈនុន ត្រាឈូ និងបុគ្គលិកផ្នែកទំនាក់ទំនងអន្តរជាតិ សាកលវិទ្យា ល័យមហាសារខាម បាននិយាយសំណេះសំណាលពីការរៀនភាសាថៃ និងផ្តល់ឱវាទអំពីការសម្របខ្លួនក្នុងសង្គមមួយដែលថ្មី ការមើ ថែខ្លួន ឯង ការរាប់អានមិត្តភក្តិ ការរៀនសូត្រ និងការរៀបចំគោលដៅជីវិតរបស់ខ្លួនជាដើម។