និស្សិតកម្ពុជាចូលរួម Insight Isan Camp 2015

កាលពីថ្ងៃទី​ 27-30 មករា 2015 និស្សិតកម្ពុជាអាហារូបករណ៍ព្រះរាជទានរបស់ព្រះអង្គម្ចាស់ក្សត្រី មហាចក្រីសិរិនថន នៃសាកលវិទ្យាល័យមហាសារខាម បានចូលរួមកម្មវិធីបោះជំរុំ Insight Isan Camp 2015 ដែលរៀបចំឡើងដោយ Public Relations Office Region 1។

ក្នុងកម្មវិធីនេះ មាននិស្សិតបរទេសចូលរួមចំនួន 48 នាក់ មកពី ប្រទេស ថៃ កម្ពុជា រៀតណាម ចិន ឥណ្ឌូនេស៊ី ហ្វីលីពីន ជប៉ុន ស៊ូដង់ និង ម៉ាឡាវី ដែលនិស្សិតទាំងអស់នេះកំពុងរៀននៅសាកលវិទ្យាល័យមហាសារខាម និងសាកលវិទ្យាល័យខន់កែន។

គោលបំណងនៃការបោះជំរុំនេះ ធ្វើឡើងដើម្បីស្វែងយល់ពីការរស់នៅរបស់ប្រជាជនថៃ កន្លែងទេសចរណ៍នៅភាគឦសាន ផ្លាស់ប្តូរវប្បធម៌គ្នាទៅវិញទៅមក ដែលគ្របដណ្តប់ចំនួន 4 ខេត្តមាន នគររាជសីមា មហាសារខាម កាឡៈស៊ិន និងខន់កែន។