និស្សិតកម្ពុជាចូលរួមកម្មវិធីសិល្បៈវប្បធម៌និងសិល្បៈការពារខ្លួន 2014

កាលពីថ្ងៃទី 26-30 មិថុនា 2014 និស្សិតកម្ពុជាអាហារូបករណ៍ព្រះរាជឧបត្ថម្ភ ដល់ព្រះរាជាណាចក្រកម្ពុជា លើវិស័យអប់រំ  របស់ព្រះអង្គម្ចាស់ក្សត្រី មហាចក្រីសិរិនថននៃសាកលវិទ្យាល័យមហាសារខាមចំនួន 6 នាក់ បានចូលរួមកម្មវិធីសិល្បៈវប្បធម៌ និងសិល្បៈការពារខ្លួន សម្រាប់និស្សិតបរទេស ប្រចាំឆ្នាំសិក្សា 2014 នៅសាកលវិទ្យាល័យទិចណូឡូជីស៊ុរៈណារី (Suranaree University of Technology) នៅខេត្តនគររាជសីមា។ 

មាននិស្សិតបរទេសជាច្រើនចូលរួមក្នុងកម្មវិធីនេះ ដូចជា និស្សិតកម្ពុជា ឡាវ ចិន ឥណ្ឌូនេស៊ី ថៃ។ល។ ដែលចូលរួមកម្មវិធីនេះ នឹងចូលសិក្សាស្វែងយល់អំពីសិល្បៈការពារខ្លួន (ប្រដាល់) ដូចជា អំពីផលប្រយោជន៍ ប្រវិត្ត របៀបថ្វាយគ្រូ ឱ្យនិស្សិតបាន អនុវត្តផ្ទាល់ និងទៅទស្សនាការហ្វឹកហាត់ប្រដាល់ដោយផ្ទាល់។