ទទួល និងចែកសម្ភារៈដល់និស្សិតព្រះរាជឧបត្ថម្ភ ក្រុមទី 2 ឆ្នាំ 2014

កាលពីថ្ងៃទី 19​ មេសា 2014 ម៉ោង 4.30 នាទីព្រឹក បុគ្គលិកផ្នែកទំនាក់ទំនងអន្តរជាតិ និងនិសិ្សតកម្ពុជា បានធ្វើដំណើរទៅទទួលនិស្សិតអាហារូបករណ៍៍ព្រះរាជឧបត្ថម្ភ លើវិស័យអប់រំ ដល់ ព្រះរាជាណាចក្រកម្ពុជា របស់ ព្រះអង្គម្ចាស់ក្សត្រី មហាចក្រីសិរិនថន ក្រុមទី 2 ឆ្នាំសិក្សា 2014 ចំនួន 151 នាក់ នៅច្រក ជាំ-សង៉ាំ ខេត្តស៊ីសាកេត- ខេត្តឧត្តរមានជ័យ ព្រំដែនថៃ-ខែ្មរ។

ម៉ោង 17.00 នាទី បុគ្គលិកផ្នែកទំនាក់ទំនងអន្តរជាតិ និងនិសិ្សតកម្ពុជាដែលជាសិស្សច្បងបានចែកសម្ភារៈដល់និស្សិត ព្រះរាជឧបត្ថម្ភ ដូចជា ភួយ ខ្នើយ ស្មាអាវ កន្ទ្រក ផើង ចាន ចានក្រឡូង ចង្កឹះ ស្លាបព្រា និងសមជាដើម ដើម្បីទុកប្រើ ប្រាស់ក្នុងរយៈពេលរៀនភាសាថៃមូលដ្ឋានគ្រឹះចំនួន 3 ខែ នៅសាកលវិទ្យាល័យមហាសារខាម មុននឹងទៅរៀនតាម គ្រឹះសា្ថនសិក្សារៀងៗ ខ្លួន។